Percorrido por un anaco da Historia de Galicia entre 1913 e 2010 seguindo as aventuras literarias, políticas e lúdicas de Paco del Riego, homenaxeado co Ano e Día das Letras Galegas 2023. Detállanse os soños dun home íntegro que, coa formación e erudición dos grandes mestres, coa voz clara e convincente, coa simpatía e mirada pícara, conseguiu transmitirlle confianza á mocidade que o rodeaba para levala cara ao seu obxectivo principal: defender Galicia desde calquera ámbito da sociedade e facelo unindo diferentes sensibilidades e xeracións. En agradecemento á consideración que sempre tivo Paco del Riego por Hércules de Ediciones, acollemos esta biografía no noso catálogo. Queremos así salientar a súa sensibilidade por proxectos que levasen Galicia polo mundo, como foi o noso Proxecto Galicia, do que dixo que era ?unha grande achega para a Historia da cultura galega contemporánea?.
Blanca Ana Roig Rechou
Blanca-Ana Roig Rechou é profesora de Literatura Galega e Literatura Infantil e Xuvenil nas Facultades de Filoloxía e Ciencias da Educación da Universidade de Santiago de Compostela, onde coordina o Grupo de Investigación LITER21 «Literatura galega. Literatura Infantil e Xuvenil. Investigacións literarias, artísticas, interculturais e educativas» (GI-1839). Investigadora no Centro Ramón Piñeiro para a Investigación en Humanidades, directora neste centro dos proxectos «Informes de literatura» e «Investigación en Literatura Infantil e Xuvenil», e colaboradora dos proxectos «Dicionarios de Literatura». Investigadora principal da Red Temática de Investigación «Las Literaturas Infantiles y Juveniles en el Marco Ibérico e Iberoamericano» (LIJMI). Presidenta da Asociación Nacional de Literatura Infantil y Juvenil (ANILIJ). Membro da Asociación Galego-Portuguesa de Investigación en Literatura Infantil e X/Juvenil ELOS, da Asociación Nacional de Investigación en Literatura Infantil y Juvenil (ANILIJ) e de ELOS-Galicia. Autora de monografías e diferentes traballos sobre Literatura galega e Literatura Infantil e Xuvenil. webspersoais.usc.es/persoais/blanca.roig/
Ver ficha de Blanca Ana Roig Rechou »
